«Варушынак»: около двух сотен человек собрал политех на зарядку

«Варушыся з Палітэхам» – пад такім дэвізам студэнты і супрацоўнікі Гомельскага дзяржаўнага тэхнічнага ўніверсітэта імя П.В. Сухога на працягу трох дзён займаюцца зарадкай. На вялікім перапынку каля ўвахода ў галоўны корпус пад кіраўніцтвам інструктараў (у іх ролі выступілі прадстаўнікі кіраўніцтва ВНУ, кіраўнікі грамадскіх аб’яднанняў, культоргі факультэтаў) на працягу паўгадзіны ўсе жадаючыя выконваюць пасільныя фізічныя практыкаванні.

Упершыню ўніверсітэт правёў такую акцыю ў 2014 годзе па ініцыятыве газеты «Сушка» і аддзела выхаваўчай работы с моладдзю. Галоўная мэта спартыўна-танцавальнай зарадкі – «разварушыць» студэнтаў, а таксама аб’яднаць палітэх. Зараз спартыўнае мерапрыемства прыцягвае шырокае кола не толькі студэнтаў і супрацоўнікаў, але і жыхароў горада. У гэтым годзе на«Варушынак» запрасілі ўсе вышэйшыя навучальныя ўстановы Гомеля, таму акцыя прайшла максімальна маштабна.

Автор фото: ГГТУ имени П.О. Сухого