В Гомеле прошло открытое первенство области по конному спорту
Чатыры дні ў Гомелі праходзіла адкрытае першынство вобласці па коннаму спорту. У спаборніцтвах прынялі ўдзел каля 40-ка наезнікаў – навучэнцаў ГАЦАР ад 15-ці да 21-го года.
Прыгажосць коннага спорту агульнавядомая. Хаця, калі назіраеш за спрытам, майстэрствам наезнікаў, разумееш, што за знешняй грацыёзнасцю стаіць доўгая і нялёгкая праца спартсменаў і іх трэнераў. Таму і перамога на спаборніцтвах прыносіць асаблівую радасць. Вось і па выніках першынства такое пачуццё было ўласціва і лідарам, і прызёрам.
У выездках «Папярэдні прыз» і «Асабісты прыз» двайную перамогу святкавала Настасся Нікалаенка, якая выступала на кані Лінкольн. У двухбор’і першае месца заняла Вікторыя Сіліна на Сегменце.
У праграме першынства большую частку заняло пераадольванне перашкод рознай вышыні. Маршрут №1 (90 см) лепш іншых прайшла Настасся Палехіна на кані Фабрыкант. Найбольшая ж колькасць перамог у Марыі Мураўёвай. Яна заваявала «золата» пры пераадольванні маршрута №1 (100 см) на Прэм’еры і пры праходжанні маршрута з 130-сантыметровымі перашкодамі на кані Гербарый. У дзяўчыны апрача гэтага ёсць яшчэ «серабро» і «бронза». Вопытнай Надзеі Бандарэнка не было роўных на маршруце з вышынёй перашкод 110 см на Барселоне.
Абласное першынство спецыялісты разглядаюць як этап падрыхтоўкі да алімпійскіх дзён моладзі Рэспублікі Беларусь па пераадольванню перашкод, якія пройдуць на пачатку верасня ў Барані.
Автор фото: Анна Пащенко