Фотофакт: в Гомеле прошёл бойцовский турнир "Гладиатор"

У Гомельскім цырку прайшоў міжнародны байцоўскі турнір «Гладыятар».

У паядынках муай-тай, ММА, баях К-1 і класічным боксе прынялі ўдзел 20 спартсменаў з Беларусі, Расіі і Туркменістана. Гомель быў прадстаўлены 7-ю ўдзельнікамі. Узрост самага юнага «гладыятара» на турніры – 9 гадоў. У тайскім і класічным боксе спартыўнае майстэрства дэманстравалі таксама чатыры жанчыны. Закончылася мерапрыемства боем за тытул чэмпіёна свету па тайскім боксе ў вагавай катэгорыі 100 кг+. Расіянін Яўген Ганін падцвердзіў свой тытул, перамогшы беларуса Канстанціна Пагрэбнага ў другім раўндзе. 

Сярод удзельнікаў гэтых захапляльных спаборніцтваў не згубіліся і гамяльчане. Упэўненую перамогу ў баі К-1 атрымаў наш зямляк Максім Кужэльны над прадстаўніком з Туркменістана Аманам Бердыкулыевым. З жанчын вялікую прагу да перамогі і высокае спартыўнае майстэрства ў тайландскім боксе паказала гамяльчанка Таццяна Мукашова, якая не пакінула шанцаў у баі мінчанцы Вераніцы Ільніцкай. 

Автор фото: Ирина Чернявская